على هامش لقائه مع صناع فيلم "أسد"، تحدث الإعلامي المصري عمرو أديب عن الأفضل بين الممثلتين الراحلتين سعاد حسني وفاتن حمامة، مشددا على كونهما نجمتين مخضرمتين لكن الجمهور يميل لإحداهما عن الأخرى.
من الممثلة المصرية الأقرب لقلب رزان جمال؟
وجه أديب سؤالا للفنانة اللبنانية رزان جمال، بطلة فيلم "أسد"، بشأن الممثلة المصرية التي أعجبت بأعمالها، لترد: سعاد حسني وفاتن حمامة. فطلب الإعلامي منها الاختيار بينهما، لترد: سعاد حسني.
وعقب عمرو أديب قائلا: دايما لما أسأل حد السؤال ده يقول سعاد حسني وفاتن حمامة، ولما أسأل أنهي أكتر، يقول سعاد حسني، وكأن سعاد حسني هي الممثلة، تحس إن سعاد ممثلة أكتر من فاتن حمامة.
محمد رمضان يوضح سبب تفوق سعاد حسني على فاتن حمامة
وجه الإعلامي المصري السؤال لصناع "أسد" بشأن ميل الجمهور للنجمة الراحلة سعاد حسني، ليرد محمد رمضان: فاتن حمامة أعتقد، ثم توقف وضحك قائلا: مش عايز أدبس أنا. واستأنف: الاتنين عظماء لكن سعاد حسني كانت بتغني، وكانت تجارية أكتر.
عمرو أديب يختار الأفضل بين سعاد حسني وفاتن حمامة
وفاجأ عمرو أديب الحضور في الاستوديو بتصريح ناري، قائلا: أنا رأيي إن سعاد حسني ممثلة أفضل بكتير من فاتن حمامة، رغم إن الأستاذة فاتن ممثلة عظيمة، لكن سعاد أفضل كتير.
ليرد عليه مخرج فيلم "أسد" محمد دياب معقبا: إحنا اتعلمنا من اللي حصل في فيلم "الست" مانتكلمش عن الناس اللي أكبر مننا، وإحنا بنحترمهم كلهم وبنحبهم. ليقاطعه أديب: هي دي حاجة عيب، فرد دياب: المفروض لا، ولو شوفت هتلاقي الأستاذ يوسف شاهين وعمر الشريف وغيرهم لهم آرائهم في الفن القديم.
عمرو أديب يحكي موقفا طريفا عن سعاد حسني
خلال الحلقة، كشف أديب عن المرة الأولى التي شاهد فيها سعاد حسني، قائلا: أنا أول مرة أشوف سعاد حسني في حياتي وأنا طفل، كان أبويا بيجري وراها عشان يضربها.
وحكى: زمان ماكنش في التطور بتاع دلوقتي، فلما يكون في جملة في السيناريو عايزة تتغير أو تتشال، كان أبويا بيحط عليها بلستر، وكانت سعاد حسني تفضل تخربش في البلاستر بضوافرها عشان تشيله وتشوف ايه الجملة اللي كانت مكتوبة وتقارنها بالجديدة، فكانت بتقطع الورقة كلها.
