هاجم المخرج المصري محمد دياب المسؤولين عن منع بعض المصريين من مرتدي الجلباب دخول قاعات السينما في أحد الفنادق الشهيرة لمشاهدة فيلم "أسد"، معتبرًا ما حدث "عنصرية" تستوجب العقاب.
ماذا قال مخرج فيلم "أسد" عن منع مصريين من دخول السينما؟
نشر دياب، عبر حسابه الرسمي على "فيسبوك"، مقطعًا مصورًا انتقد فيه منع مواطنين من دخول قاعات السينما لمشاهدة أحدث أعماله فيلم "أسد"، للنجم محمد رمضان، معبّرًا عن ضيقه بسبب هذه الواقعة.
وقال المخرج المصري: الواحد مضايق بجد، إزاي مواطنين مصريين لابسين جلابية يتمنعوا من دخول قاعة سينما في فندق تحت أي مسمى، بالعكس إحنا كنا محظوظين إن ناس عاديين شبه الشارع جذبهم فيلم "أسد" وكانوا عايزين يدخلوه، وده معناه إن الفيلم مش بس وصل للناس بتوع المولات، ودي حاجة تخلينا كصناع فيلم فخورين بيها.
وتابع: فوجئنا إن أصحاب أو مديرين السينما منعوا الناس دي من الدخول بناء على نوع الجلابية، خليجي ولا مصري، تخيل إن إنسان بيتعنصر عليه داخل بلده، والمفارقة إن قصة فيلم "أسد" عن العنصرية.
وأوضح دياب أن ما حدث ليس خطأ من أسرة الفيلم وإنما من المسؤولين بالسينما، قائلًا: لو دي غلطة صناع فيلم "أسد" أنا كنت اعتذرت، وأنا شخصيًا هلبس جلابية وبعزم المواطنين المحترمين اللي بشكرهم إنهم راحوا بنفسهم يتفرجوا، وبعتذرلهم كمواطن مصري لأن اللي حصل ده جريمة وبتتكرر، وأظن إحنا محتاجين وزير السياحة يتدخل ويراجع موضوع زي ده.
وأرفق دياب المقطع المصور بكلمات شبيهة بفحوى الفيديو، وكتب: اللي حصل ده جريمة، مينفعش يتحرم أي مواطن من خدمة أو دخول مكان بسبب لبسه، واللي في الحاله دي هو زيي مصري خالص لازم نفخر بيه.
وتابع: المفارقة إن ده يحصل مع ناس داخله تتفرج على فيلم "أسد" اللي هو بالأساس ضد العنصرية. إحنا عازمين الناس المحترمة دي على الفيلم وأنا هخش معاهم بالجلابية شخصياً. طبعاً الغلطة اللي حصلت مسؤولية السينما مش أسرة الفيلم، وإحنا بندين أي نوع من التفرقة ضد أي شخص، ولو محصلش اعتذار وتغيير للمنع ده فإحنا ميشرفناش إن فيلم أسد يتعرض في السينما دي.
تفاصيل عرض فيلم "أسد" 2026
انطلق عرض فيلم "أسد" في السينما 14 مايو/أيار 2026، وهو أحد أبرز الأعمال التاريخية المصرية، إذ يجمع بين الدراما والأكشن في معالجة تدور حول العبودية والصراع من أجل الحرية داخل سياق تاريخي حافل بالتوتر والمواجهات.
ويضم طاقم عمل الفيلم، الذي يُراهن على إنتاج ضخم ورؤية بصرية مختلفة تبتعد عن الأعمال التقليدية السائدة في السينما المصرية، النجوم: محمد رمضان، ماجد الكدواني ورزان جمال وعلي قاسم، وآخرين، ومن إخراج محمد دياب.
