تحدّث الفنان كمال أبو رية عن تجربته في موسم دراما رمضان 2025، خاصة مشاركته المؤثرة في مسلسل "لام شمسية"، والتي رغم اقتصارها على حلقتين فقط، إلا أنها تركت بصمة قوية لدى الجمهور.
وكشف الفنان عن كواليس العمل مع الطفل علي البيلي، وتفاصيل ظهوره كضيف شرف في مسلسل "سيد الناس"، ووجه رسالة مهمة حول دعم المواهب وبناء النجوم في الوطن العربي.
حلقتان فقط.. ولكن الأثر كبير
أعرب كمال أبو رية عن سعادته بمشاركته في مسلسل "لام شمسية" بدور القاضي، مشيرًا إلى تفاعل الجمهور الكبير مع الشخصية رغم ظهوره في حلقتين فقط.
وقال خلال استضافته في برنامج "أسرار النجوم" مع الإعلامية إنجي علي: الدور ده رغم قصره، لكنه كان صادق، وحقيقي، ويمكن ده السبب اللي خلى الناس تحبه.
علي البيلي.. موهبة واعدة وتفاصيل إنسانية خلف الكاميرا
تحدث أبو رية بتأثر عن كواليس مشاهده مع الطفل علي البيلي قائلاً: الشاب الجميل ده، الرائع ده، اللي هو الصغير ده علي..علي ده ما شاء الله عليه، أنا متوقع له مستقبل عظيم.
وأضاف ضاحكًا: قال لي يا انكل ممكن تشخط فيا عشان أتأثر؟ قلت له يا حبيبي القاضي عمره ما هيعمل كده مع طفل! بس ما رضيتش أزعله، قلت له روح للمخرج كريم الشناوي وشوف رأيه، وكنت عارف إن كريم مش هيوافق.
وتابع: قلت له بص يا صاحبي.. إنت فنان عظيم، وإنت اللي لازم تعيش اللحظة بتاعتك، مش شرط اللي قدامك يعمل حاجة عشان تتأثر.. عيش موقفك.
تجربة "سيد الناس"
عن ظهوره كضيف شرف في مسلسل "سيد الناس"، أوضح كمال أبو رية أن التجربة لم تكن كما توقع، قائلاً: أنا بحب محمد سامي، والراجل بيحبني وبيقدرني كفنان، بس لما رحت لقيت النص بيتكتب على الهوا، وأنا مش عارف هعمل إيه.
وأضاف بصراحته المعهودة: الناس اللي حواليه مش كويسين خالص، وهو تايه وسطيهم، وبياخدوا قرارات كأنهم المساعدين بتوعه وهو غلطان طبعًا في كده.
وحول الانتقادات التي طالت المسلسل، عبّر عن رأيه قائلاً: أنا ما شفتش المسلسل كامل، بس عارف إن اتشاف. في ناس قالت إنه الأداء كان مبالغ فيه، وده فعلاً حصل مع ناس معينة، بس مش كلهم.
رسالة صادقة.. "ابنوا نجومكم"
وجه أبو رية رسالة حول أهمية دعم المواهب الشابة وبناء رموز فنية محلية قائلاً: الأمريكان طلعوا توم كروز بقى رمز لأمريكا، وهو توم كروز مؤثر ضعيف، بس ستايل كده لطيف وشكله قمر.. وإحنا؟ إحنا عندنا مواهب عظيمة بس بنسيبهم.
وختم حديثه بقوله: لازم نبني نجومنا.. زي ما بيعملوا هناك، في وكالات بترعى النجم من وهو صغير، تخطط له وتبنيه، مش بس يودوه برامج وخلاص.
