بين الطرافة والحكمة، كشف نجوم مهرجان القاهرة السينمائي 2025 عن آرائهم بشأن الهدف من الزواج، وتحدثوا خلال مرورهم على السجادة الحمراء لحفل الافتتاح عن أسبابهم للارتباط، ودوافع البشر للإقدام على هذه الخطوة المهمة.
ماذا قالت أروى جودى عن أسبابها للزواج؟
بشكل كوميدي، أجابت النجمة أروى جودة عن سؤال المذيعة المشاركة في تغطية السجادة الحمراء لحفل افتتاح مهرجان القاهرة السينمائي الدولي "الناس بتتجوز ليه؟".
وقالت جودة بطرافة: الناس بتتجوز عشان تلاقي حد تتخانق معاه. واستطردت: لا لا أكيد عشان ألقي رفيق الدرب والشخص اللي أقدر أكمل معاه حياتي.
أحمد مجدي يرد بطرافة عن "ليه بنتجوز؟" في مهرجان القاهرة
رد النجم الشاب أحمد مجدي برؤية فلسفية عن سؤال المذيعة "الناس بتتجوز ليه؟"، وقال: الناس تتزوج بسبب الضغط الاجتماعي في الأساس.
حسين فهمي يكشف أسباب الزواج.. فماذا قال؟
أما النجم الكبير حسين فهمي، فرأى أن الحب هو "نمرة واحد في الأساس" الذي يدفع الناس للزواج، لأن الحب ده معناه كبير جدا ويضم تحت جناحه الحنان والأمان، ويعد سببا كافيا لإنجاح الزواج لأن لا شيء يمكنه الوقوف أمام الحب.
رد مفاجئ من لبلبة عن سبب الزواج وأمنيتها
ورأت النجمة الكبيرة لبلبة أن هدف الناس من الزواج هو تكوين الأسرة وإنجاب الأطفال، وتابعت: لأن دي الحياة، إنما الإنسان يفضل وحده كده زي حالاتي، وأنا بشجع كل الناس إنها تتجوز وتكون أسرة وتنجب أكثر من طفل، طفلين على الأقل، وأنا كنت أتمنى يبقى عنده 3 أولاد.
إسعاد يونس تقدم رأيا مختلفا عن سبب الزواج
بدأت الفنانة المخضرمة إسعاد يونس إجابتها عن هذا السؤال بحركة طريفة رسمتها على وجهها، ثم أضافت: الناس كانت بتتجوز عشان بيحبوا بعض وعشان يخلفوا، وده كان قانون الحياة.
وتابعت: بس دلوقتي الوضع بقى استثنائي، لأن مش كل الناس عندها استعداد تخلف، وبقوا بيحسبوها كويس أوي عشان الزمن اللي جاي محدش عارف شكله ايه، كمان القدرة على مباشرة الحياة الزوجية الأبدية دي بردو بقى فيها كلام.
درة تكشف عن تعريفها للزواج الحقيقي وأسباب الزواج
استهلت الفنانة التونسية درة إجابتها عن سؤال "الناس بتتجوز ليه؟" بقولها إنها متزوجة منذ 5 سنوات، مضيفة: السؤال صعب أوي، ومقدرش أقول الناس كلها بتتجوز ليه، لكن من وجهة نظري الناس بتتجوز ونس وده أهم حاجة، عشان الزوج والزوجة يونسوا ببعض، ويكونوا شركاء لبعض ويشاركوا بعض كل لحظات حياتهم. ولازم يكون بينهم شعور بالأمان والسند والخوف على بعض.
وتابعت: الجواز الحقيقي هو المليء باللحظات الحقيقية اللي بيعشوها، وبيكون فيها لحظات صعبة بيمر فيها أي طرف فيهم، مش مجرد اللحظات الحلوة والخروجات زي ما الناس بتشوف.
