أطلت النجمة المصرية مي عز الدين على جمهورها في أول ظهور إعلامي بعد فترة طويلة من الصمت، لتكشف الكثير من الخبايا عن السنوات الأخيرة في حياتها والتي شهدت مرورها بفترة عصيبة، بداية من إصابة والدتها بأزمة صحية صعبة انتهت بوفاتها، ثم مرضها المفاجئ الذي أعقب زواجها.
ما سبب تأخر زواج مي عز الدين؟
وأوضحت الفنانة الشابة، خلال استضافتها مع النجمة إسعاد يونس في برنامجها "صاحبة السعادة" مساء الأحد، أنها لم تخطط للزواج في سن متقدمة، مشيرة إلى أنها خاضت علاقات لكن لم يكتب لها النجاح.
وقالت مي عز الدين، ردا على سؤال عدم تفكيرها في الزواج خلال السنوات الماضية: مش فكرة إني مافكرتش أتجوز بدري، ومافيش إنسانة في الدنيا مجالهاش وقت كانت بتفكر في كده وعيزاه، بس ممكن تمر بعلاقات وتكون مش ناجحة، وماتوصلش إنها تتوج بالزواج أو ممكن ماتلاقيش الشخص المناسب، وأنا عشت في ده كتير.
وتابعت: أنا كنت مصممة ماتجوزش بالعقل حتى لو هقعد مليون سنة، وممكن ماتجوزش خالص بس مش هتجوز بالعقل، لازم أتجوز حد مشاعري اتحركت نحيته وحبيته، وفي نفس الوقت عقلانيا متوافقين، ودي ماحصلتش معايا إلا دلوقتي.
ماذا قالت مي عز الدين عن حلم الأمومة؟
كشف النجمة الشابة أنها باتت مستعدة لتحقق حلم الأمومة خصوصا أن العمر تقدم بها، موضحة أنه لا يهمها إن كان الطفل ولدا أو فتاة، الأهم أنها ترضى بما يشاء الله حتى لو لم يكتب لها عدم الإنجاب.
وقالت مي ردا على سؤال "مستعدة تكونوا تلاتة؟": يارب بإذن الله، وأي حاجة ربنا يجيبها كويسة، أيا كان إيه هي حتى لو لأ، اللي ربنا يريده هيكون. وأنا مش مأجلة الخلفة عشان عمري كله ضاع في الشغل.
تعليق مؤثر من مي عز الدين بعد "البرنسيسة بيسة"
تعرضت الفنانة مي عز الدين لموجة انتقادات واسعة بعد بطولتها لمسلسل "البرنسيسة بيسة"، في موسم دراما رمضان 2019، مشيرة إلى أنها قررت الابتعاد عن الجمهور اعتقادا منها أنه لم يعد يحبها بسبب هذا الدور.
وقالت مي: اتوجعت أوي وخدت جنب مش عايزة أطلع في حاجة ولا أعمل حاجة، وخوفت أشوف حاجة تاني سلبية عشان ده مايخلينيش ماعرفش أقف أمثل حتى. كنت فاكرة الناس بطلت تحبني بسبب الدور ده، بس بعد فترة عرفت مدى حبهم ليا، وقت وفاة ماما ووقت جوازي.
وتابعت: الدرس فهمته قدام، وقولت لنفسي يا حبيبتي محصلش، مين اللي قالك إن الناس مابقتش بتحبك من عمل يا هبلة، ودا انتي نفسك كنتي عارفه إن في حاجة معمولة في النص (هجوم ممول)، فإزاي تتشككي وتبعدي عن الناس أوي كده، دول بيحبوكي أوي يعني.
وتطرقت النجمة الشابة للحديث عن تراشقات الفنانين على مواقع التواصل الاجتماعي، معلقة: خناقات السوشيال ميديا محتاجة كم فلوس غير طبيعي، ومعقول هنصرف على حياة مزيفة. اللي تعبان في فلوسه أوي هيصعب عليه يعمل كده. وحتى لو عمل كده اللي أمامه هيعلي عليه، طب هنبيع عفش بيتنا ولا نعمل ايه عشان نصرف على خناقات السوشيال ميديا.
