في الذكرى الأولى لرحيل والدها الملحن محمد رحيم، شاركت ماس محمد رحيم متابعيها على "إنستغرام" رسالة عاطفية مؤثرة، عبّرت من خلالها عن عمق افتقادها لوالدها وعن الأثر الكبير الذي تركه غيابه في حياتها.
وكتبت ماس: فضلت فترة طويلة أحاول أرتّب الكلام اللي نفسي أقوله في اليوم ده، كلام أنا عارفة إنه هيوصلّك وهتحسّه… يمكن بقالي شهور بحاول أستجمع مشاعري، وبقالي سنة كاملة بحاول أستوعب إنك مش موجود، بقيت أدور عليك في كل زاوية من حياتي.
ماس محمد رحيم تبحث عن والدها في تفاصيل حياتها اليومية
واصلت ماس كلماتها التي حملت الكثير من الشجن، مشيرة إلى أنها صارت ترى ملامح والدها في أبسط التفاصيل، وقالت: بقيت ألمحك في حاجات ما كنتش ركّز فيها قبل كده… أسمع صوتك في كلامي، وأشوف ملامحك ترتسم في المرايا، وفي وشوش إخواتي وأهلنا. كل ما يشتدّ عليّ الشوق، أبصّ لهم وأشوفك فيهم.
وأضافت: كلامك كان دايماً يهمني… أي جملة كانت تخطر في بالك كانت تفضل معلّقة في وداني، يمكن عشان كده عمري ما نسيت. تفاصيلك محفورة جوا قلبي.
ذكريات لا تزال حية
توقفت ماس عند ذكريات الطفولة واللحظات التي جمعتها مع والدها، قائلة: كل ما أرجع للماضي أحس إن اللحظات لسه بتتنفّس… كأننا في المكتب سوا بنضحك على موقف محدش كان هيستوعبه غيرنا، أو ماشيين في الشارع وأنا بغني بصوت عالي عشان أضحك أنا وهارتي… وإنت تضحك من قلوبنا.
حزن لا يغيب رغم مرور الوقت
تحدثت ماس عن تأثير رحيل والدها على حياتها: يوم ما مشيت، حسّيت إني فقدت روحي وشغفي وكل إحساسي… بس كل مرة بفتكرك فيها برجع أتنفس من جديد. ولو حد عايز مني حاجة بجد، يكفيني إنه يحلف بعيونك.
واختتمت رسالتها: هي ذكرى موجعة، لكنها مليانة بيك… ربنا رزقني بيك، وخلاني بنتك، وزرع حبك جوايا عشان أشتاقلك أكتر. ادعوا لقلبي اللي فقدك بالرحمة والمغفرة.
ترشح ماس محمد رحيم لجائزة Joy Awards
فنياً، عبّرت ماس عن سعادتها بوصولها إلى قائمة الترشيحات لجائزة Joy Awards كأفضل فنانة صاعدة، مؤكدة فخرها بكونها الممثلة المصرية الوحيدة ضمن هذه الفئة.
وأوضحت عبر إنستغرام أن هذا الترشيح جاء بعد نجاح أغنيتها "ضيعتني"، وهي من كلمات وألحان والدها الراحل محمد رحيم، فيما تولى التوزيع الموسيقي كريم أسامة.
