احتفلت النجمة ليلى علوي بتخرج نجلها خالد علوي من جامعة كوفنتري – فرع القاهرة، المستضافة في مؤسسة جامعات المعرفة الدولية (TKH) بالعاصمة الإدارية الجديدة، وسط أجواء من السعادة والفخر، حيث وجهت له رسالة مؤثرة عبر حسابها الرسمي على "إنستغرام".
ليلى علوي عن تخرج نجلها: الفرحة مفيش زيها أبداً
نشرت ليلى علوي مقطع فيديو وصور من حفل التخرج، وعلّقت عليه قائلة: فرحتي لا توصف.. الحمد لله عشت أفراح كتير في حياتي، لكن الفرحة دي مفيش زيها أبداً.
وأضافت الفنانة أنها تشعر بنصر وفخر كبيرين، قائلة: فرحانة بيك وليك يا خالد، يارب يوفقك في حياتك الجاية، دي بداية مشوارك الحقيقي، وهتعتمد على نفسك وتختار مهنتك وحياتك وطريقك بإيدك.
واختتمت رسالتها بكلمات مؤثرة من قلب أم: ربنا يحميك دايماً ويحرسك بحفظه وكرمه يا أغلى من نور عيني، يا حتة مني، يا أهم مني، يا كل الدنيا يا حبيبي.
حديث عن الفن والطعام في الجونة بمشاركة ليلى علوي
في سياق آخر، كانت ليلى علوي قد شاركت مؤخرًا في ندوة ضمن فعاليات مهرجان الجونة السينمائي الدولي في دورته الثامنة، حملت عنوان "السينما ومذاق الحياة.. الطعام، الفن، والمسؤولية الاجتماعية"، حيث تحدثت عن العلاقة الوثيقة بين الطعام والسينما المصرية.
وقالت الفنانة إن "الطعام في السينما مش مجرد عنصر جمالي، لكنه كمان رسالة بتعكس جوانب من المجتمع وقضاياه، زى الفقر والجوع والأمان الغذائي، وهي قضايا عالمية مش محلية فقط".
ليلى علوي تسترجع ذكريات "خرج ولم يعد" و"حب البنات"
استرجعت ليلى علوي ذكرياتها مع المخرج الراحل محمد خان في فيلم "خرج ولم يعد"، قائلة: من أجمل مشاهد الفيلم إننا كنا بنأكل بجد، مش تمثيل، وده اللي خلا الأداء صادق والإحساس حقيقي، لأن محمد خان كان بيهتم بكل تفصيلة في المشهد حتى الأكل الحقيقي على السفرة.
كما أشارت إلى مشهد الطعام في فيلم "حب البنات"، قائلة: مشهد الأكل في الفيلم هو اللي جمع الأخوات مرة تانية، وده بيوضح إن الأكل مش بس متعة من متع الحياة، لكنه كمان وسيلة للتقارب والحنين.
واختتمت حديثها قائلة: أنا بحب الأكل وبعرف أطبخ، وده انعكس في أدواري، المهم نعرف إزاي نحافظ على الأكل ونورّث قيمه الصحية للأجيال الجاية، لأن الطعام مش مجرد عادة، ده أسلوب حياة ورسالة.
