كشفت الفنانة يارا السكري كواليس مؤثرة من طفولتها، ورؤيتها الخاصة للأمومة، إلى جانب حديثها عن مواصفات شريك حياتها، وذلك خلال لقائها في برنامج "صاحبة السعادة" مع الإعلامية إسعاد يونس، حيث لاقت تصريحاتها تفاعلًا واسعًا لما حملته من مشاعر وتجارب شخصية.
يارا السكري تستعيد ذكريات الطفولة
استعادت يارا السكري تفاصيل نشأتها البسيطة، مؤكدة أن قلة الإمكانيات لعبت دورًا كبيرًا في تشكيل شخصيتها، وقالت: كنت بتمنى في العيد أكون زي باقي الأطفال وألبس أكتر من طقم، لكن والدتي كانت بتكتفي بشراء طقم واحد، وكانت تقنعني دائمًا بعبارة: إنتِ اللي هتحليه مش اللبس.
وأضافت: مرة لبست هدوم بسيطة جدًا لكنها عجبت الناس، وده غيّر نظرتي تمامًا، وخلاني أفهم إن الأناقة مش بس في سعر اللبس، لكن في الشخصية والثقة بالنفس، وكمان اتعلمنا القناعة من والدتنا.
كما تحدثت عن محاولاتها للتجديد رغم الظروف، قائلة: كنت بحاول أبتكر بنفس الإمكانيات، زي إني أغير تسريحة شعري أو الإكسسوارات، عشان أبان كأني لابسة حاجة جديدة. وتابعت: ظروفنا كانت على قد الحال، والمصروف محدود، ومكنش في رفاهيات، لدرجة إن التلاجة كانت بتفضى أحيانًا.
يارا السكري: الأمومة مسؤولية قبل أن تكون رغبة
تطرقت يارا السكري إلى رؤيتها لفكرة الأمومة، مؤكدة أن مفهومها تطور مع الوقت، وقالت: كنت عايزة أبقى أم، لأن الأمومة حاجة كبيرة، والطفل بيكبر ويواجه المجتمع، فالأم مسؤولة تطلع جيل.
وقالت: الطفل ليه حق على والدته، ولازم نهتم بيه خاصة في سنينه الأولى. زمان أمي كانت بتوديني النادي والمدرسة وتعملنا الأكل، لكن دلوقتي لما بروح النادي مش بشوف الطفل مع مامته. وأضافت: دلوقتي في مفهوم إن نجاح الست لازم يكون مرتبط بالشغل، لكن أنا شايفة إن نجاحها في بيتها وأولادها مهم، وأحب أكون موجودة مع أولادي في كل التفاصيل.
مواصفات شريك حياة يارا السكري
في جانب آخر من اللقاء، تحدثت يارا السكري عن مواصفات شريك حياتها، قائلة: مش فارق يكون عنده شنب، لكن أفضل لو عنده دقن، ومش بميل للرجل الأصلع.
وأضافت: أتمنى يكون بشرته غامقة أو قمحي وأسمراني، ويكون ناجح حتى لو مش ممثل، ومن طبقة اجتماعية كويسة، وجدع وابن بلد، وسمعته طيبة، وكمان يكون طويل. وختمت مازحة: ويكون مصري مش من إيجيبت، ولو اتجوز قبل كده عادي، ومش هقول أول حرف من اسمه.
