أعلنت البلوغر جهاد أحمد انفصالها رسميًا عن مغني المهرجانات عصام صاصا بعد قصة حب طويلة، وسط أول تعليق محترم من صاصا ورسائل غامضة أثارت الجدل قبل إعلان الطلاق.
وكتبت جهاد عبر خاصية "الستوري" في "إنستغرام" قائلة: الحمد لله على كل شيء، تم الانفصال بيني وبين أبو رحيم.
أول تعليق من عصام صاصا بعد طلاقه
علق عصام صاصا على خبر انفصاله، مؤكداً احترامه لطليقته، وداحضاً ما يتردد من شائعات حول وجود خلافات حادة أو إساءة متبادلة.
وقال عبر "الستوري": حابب أتكلم في نقطة بسيطة بس عشان بعض كلام الناس بيضايقني.. يعلم ربنا إني مشفتش أي حاجة في حياتي وحشة من الست دي، ومشفتش منها غير كل خير.
وأضاف: عمرها ما كانت غلطانة في حقي، بالعكس عشان بس محدش يظلمها. ربنا يصلح حال الجميع ويسترها على كل الناس.
منشور غامض أشعل الجدل قبل إعلان طلاق عصام صاصا
قبل ساعات من إعلان الطلاق، نشرت جهاد أحمد رسالة غامضة كشفت فيها معاناتها خلال الفترة الماضية، ما اعتبره المتابعون تلميحاً إلى وجود خلافات بينهما.
وقالت في رسالتها: أنا ممكن أتعامل مع شخص وهو فيه عيوب الدنيا.. بس لما بقفل منه بيتشطب من حياتي ومش بيرجع تاني.. اتقفلت منه يعني اتمسح من حياتي.
وأضافت مؤكدة رغبتها في إغلاق باب الإشاعات: بلاش تخلوني أتكلم في حاجات أنا مش حابة أتكلم فيها وأخليكم تكرهوا ناس ممكن تكونوا بتحبوها.. أنا محدش تعب مكاني ولا عايش بمهدئات مكاني.. أنا اتاخد مني نفسي ودا مش قليل.
ووجهت جهاد رسالة حاسمة للمتابعين المنتقدين، داعية إلى احترام خصوصيتها وعدم الضغط عليها.
وقالت: خليها تمشي كده أحسن.. واللي مش عاجبه شخصيتي في حاجة اسمها بلوك.. أنا عمري ما دخلت حياة شخص وأذيته، دايماً كنت إضافة والحمد لله.
