رغم وجودها الدائم تحت الأضواء، تُصرّ خبيرة التجميل وسيدة الأعمال جويل مردينيان على إبقاء ابنتها بعيدة عن عالم السوشيال ميديا والعمل، حتى وإن تعارض ذلك أحيانًا مع رأي والدها.
حضور استثنائي في افتتاح ماجون دو جويل
في مقابلة خاصة مع فوشيا، خلال افتتاح فرعها الجديد من ماجون دو جويل في مردف – دبي، كشفت جويل ولأول مرة تفاصيل علاقتها بابنتها، وسبب إصرارها على حضورها هذا الحدث تحديدًا.
وقالت مازحة: لا لا لا... اليوم إجت بالزور. وتابعت: بنتي بعيدة كتير عن شغلي، وما بفوّتها فيه. حتى على السوشيال ميديا ما بتحب تطلع، وما بتحكي كتير أصلاً. اكتشفت هالشي خلال سفرنا سوا على إيطاليا وفرنسا.
وأعربت جويل عن فخرها بشخصية ابنتها الهادئة والمهذبة، ووصفتها بأنها "مرضية جدًا"، لكنها تمنّت لو كانت أكثر تمرّدًا، قائلة: هي بعد ناية، بعد طرية... مش معجونة متل ما لازم! بس بحبها كتير، وهي نسخة مني.
وعن سبب حضورها حفل الافتتاح، أوضحت جويل: مش كرمالها، كرمالي! حبيت تكون حدي بهاللحظة اللي بعتبرها إنجاز عمر. لازم تتعلم إنو في مواقف بحياة أهلها لازم توقف حدّن، حتى لو مش حابة.
عرض كوري وخلاف عائلي حول القرار
وعند سؤالها عن إمكانية دخول ابنتها عالم الشهرة أو الأعمال قريبًا، كشفت مردينيان: جيها عرض من براند كوري، وعم نتخانق أنا وبيا... هو بدو ياها توافق، وأنا بفضّل تنطر لفرصة أكبر. بدي تكون خطوة مدروسة ومناسبة.
وفي ختام اللقاء، عبّرت جويل عن فخرها الكبير بابنتها، قائلة: هي فعلاً بنت أمها... مهذبة، ذكية، راقية، وإن شاء الله الأيام الجاية تكون دايمًا حلوة لإلها.
