تحدثت الفنانة رانيا يوسف عن مشاركتها في مسلسل "نص الشعب اسمه محمد"، الذي عُرض في النصف الثاني من موسم رمضان 2025، محققًا تفاعلًا واسعًا من الجمهور.
وفي لقاء تلفزيوني، فتحت رانيا قلبها للحديث عن كواليس العمل، علاقتها ببناتها، ومواقفها من الحب والزواج.
عمل جماعي وعنوان لافت
أوضحت رانيا أن أحد أبرز أسباب مشاركتها في المسلسل هو طبيعته الجماعية، فقالت: أنا مش بحب الأعمال اللي البطل فيها من الجلدة للجلدة، وشدني اسم المسلسل من أول لحظة حتى قبل قراءة السيناريو.
وأضافت خلال لقائها مع الإعلامية ياسمين عز في برنامج "كلام الناس" أنها سعيدة بتجسيد شخصية امرأة قوية، قائلة: الست لما تحط راجل في دماغها بتعرف تاخد حقها، وشخصيتي كانت محتشمة بس مش محجبة.
شخصيات نسائية من الواقع
تحدثت رانيا عن النماذج النسائية التي قدمها المسلسل، ووصفتها بالواقعية، معلقة: قابلت شخصيات شبه بطة الست الحربوقة والحموات دي في الحقيقة، وهما موجودين في كل مكان.
الطلاق والحموات.. رأيها الخاص
ياسمين عز: علاقتك بمامتك عاملة إزاي؟ .. رانيا يوسف: أمي بتتدخل في حياتي طول الوقت وبوقفها.. ولحد دلوقتي بنتخانق لأنها شايفة نفسها صح على طول برنامج #كلام_الناس من الخميس – الأحد الساعة 6 مساءً بتوقيت القاهرة على #MBCMASR http://onshahid.net/6184MckMg
Posted by MBC مصر on Sunday, April 20, 2025
في واحد من أكثر تصريحاتها جرأة، قالت رانيا إن معظم حالات الطلاق تعود لتدخل الأمهات والحموات، موضحة: 90% من الطلاق سببه الأمهات، لأن فيه فجوة بين جيل الأم وجيل البنت. أنا كنت مانعة أمي تتدخل في حياتي، وزعلت مني بس أنا كنت بحمي بيتي.
الشهرة والحب من وجهة نظر رانيا
عن الحب، قالت رانيا إنها ما زالت تبحث عن مشاعر صادقة رغم صعوبة الأمر، مضيفة: لسه محتاجة حب، بس من سنتين ماقابلتش حد يلفت نظري. في ناس بتنجذب للشهرة وعايزين شكل من برا بس.
لحظة طريفة مع ياسمين عز
ياسمين عز: تتجوزي ممثل ولا رجل أعمال ولا إيه مواصفاتك؟ .. رانيا يوسف: انتي جايبالي عريس ولا ايه أنا مش مرتاحالك (وصلة ضحك بين ياسمين ورانيا) برنامج #كلام_الناس من الخميس – الأحد الساعة 6 مساءً بتوقيت القاهرة على #MBCMASR http://onshahid.net/6184MckMg
Posted by MBC مصر on Sunday, April 20, 2025
في فقرة خفيفة، سألتها ياسمين عز: "ممكن تتجوزي ممثل؟ ولا رجل أعمال؟"، فردت رانيا مازحة: هو إنتي جايبالي عريس؟ أنا بصراحة مش مرتاحالك. لتنطلق الضحكات في الاستوديو وتضيف نكهة مرحة للحوار.
كليب "ليك" وردود الأفعال
عن كليب أغنية "ليك"، قالت رانيا: كنت بلعب وجربت حاجة جديدة، الناس خدت الموضوع بجد وأنا كنت فرحانة بيه. حتى عيالي بيتريقوا عليا من رد فعلي لما يجيلي ورد.
الأمومة والإيمان في حياتها
أشارت رانيا إلى أن الأمومة هي محور حياتها، مؤكدة: أنا عايشة علشان بناتي، وكنت أحب أجيب أولاد كمان. علاقتي بربنا ونيتي الحلوة دايمًا بيخلوني ماشية صح، وده اللي مخليني مش مستعجلة على أي علاقة.
أبطال "نص الشعب اسمه محمد"
يُذكر أن المسلسل من بطولة عصام عمر، رانيا يوسف، مايان السيد، هاجر السراج، محمد محمود، شيرين، وهو من تأليف محمد رجاء، وإخراج عبد العزيز النجار.
