حرص الفنان تامر حسني على تهنئة صناع فيلم "برشامة"، بطولة هشام ماجد وريهام عبد الغفور، بعد سيطرة الفيلم على صدارة إيرادات السينما في أول أيام عرضه خلال موسم عيد الفطر 2026.
وجاءت تهنئة حسني عبر حسابه الرسمي على "إنستغرام"، مع إشادته بأبطال العمل وصنّاعه، مؤكّدًا على النجاح القياسي الذي حققه الفيلم.
تامر حسني يشيد بفيلم "برشامة" وصنّاعه
كتب تامر حسني في "ستوري" حسابه على إنستغرام: فيلم برشامة يحقق أعلى إيراد يومي في تاريخ السينما من كل قلبي مليون مبروك لإخواتي نجوم و أبطال و صناع الفيلم مبروك لأخويا المنتج أحمد الدسوقي، المنتج الشاطر اللي مركز المحترم اللي في حاله وبيشتغل وبس.
وأضاف: اللي صمم يوصل للنجاح ده تدريجيا من أول إنتاج ليه معايا وهو فيلم حالة حب وغاب فترة ورجع معايا بفيلم بحبك و كمل في صمت لحد ما النهارده ربنا كرمه بأكبر نجاح سينمائي مع ألذ و ألطف و أهم نجوم المرحلة، شكرا حبايب قلبي اصحابي واخواتي هشام ماجد، ريهام عبد الغفور، مصطفى غريب، حاتم صلاح، باسم سمره، ميشيل ميلاد وباقي الأبطال شكرا للمؤلفين المبدعين أحمد الذغبي، شيرين دياب، خالد دياب، والمخرج الكبير خالد دياب و عملاق الإنتاج المصري أحمد بدوي.
رسالة خالد دياب لهشام ماجد: التزام واحترافية
من جانبه، كتب المخرج خالد دياب عبر صفحته الرسمية على "فيسبوك" رسالة مؤثرة لشريكه في العمل هشام ماجد "أستاذ هشام ماجد أشكرك إنك إديتني الفرصة إني اشتغل معاك بداية من أشغال شقة إلى برشامة. العملين دول اتعرضو رسميا علي نص الوسط الفني ولم يرغب نجم أو نجمه أن يشترك فيهم ثم جاء هشام ماجد فتغيرت المعادلة تماما.
وتابع "هشام اسمه الحركي في الوسط الفني هو الألماني مش عشان شكله لا. ده عشان التزامه. التزامه بالمواعيد والجاهزية والاجتهاد بدأ من العمل علي النص مرورا بالتصوير انتهاء بالمونتاج".
وأكمل دياب "ليه كل اللي بيشتغلو معاه بينورو ؟عشان هشام بيتعامل مع الأعمال الفنية بمنطلق كابتن فريق الكورة يعني المهم الفريق يكسب مش مهم مين يحط الجون فبيعمل اسيست للكل عشان يجيبو اجوان حلوه فطبيعي أول ما لاعب يجيب جون يطلع يجري عليه ويحضنه كأنه بيقوله من غيرك عمري ما كنت هاجيب جون بالحلاوة دي".
واختتم "هشام يعني القلب الابيض والسلكان كله. هشام مش كوميديان محترف لأ ده ممثل متكامل محترف يعني أوعدكم هاتشوفوه في أدوار جد جدا هاتكسر الدنيا. أخيرا مفيش حد اشتغل معاه إلا بيحبه جدا وأنا أولهم. ملحوظة: هذا البوست لايحمل ذرة مبالغة".
رقم قياسي في شباك تذاكر فيلم برشامة
نجح فيلم "برشامة" في تحقيق رقم قياسي بإيرادات وصلت إلى 56 مليونًا و878 ألف جنيه مصري خلال أول أربعة أيام من عرضه، الفيلم من تأليف وإخراج خالد دياب بالاشتراك مع شقيقته شيرين دياب وأحمد الزغبي، ويشارك في بطولته كل من هشام ماجد، مصطفى غريب، حاتم صلاح، باسم السمرة، فدوى عابد، كمال أبو رية، عارفة عبد الرسول، وليد فواز، فاتن سعيد، ميشيل ميلاد، ومحمد أبو داوود. بدأ عرضه تجاريًا يوم وقفة عيد الفطر المبارك.
