كشفت الفنانة دانا حمدان عن موقف شهّم قام به النجم أحمد العوضي معها خلال تصوير مسلسل "مليكة" عام 2017، وذلك بعد مشاهدة مقابلته التلفزيونية مع الفنانة إسعاد يونس في برنامج "صاحبة السعادة".
دانا حمدان: مواقف البدايات تبقى في الذاكرة
كتبت الفنانة دانا حمدان، عبر صفحتها الشخصية في منصة "فيسبوك"، أن لقاء الفنان أحمد العوضي، مع الفنانة إسعاد يونس في برنامج "صاحبة السعادة"، أعاد لها موقفاً في بداياتها قام به العوضي معها دون سابق معرفه منه، وقالت: في يوم رحت التصوير وكانت مشاهد ليلية، وصلت اللوكيشن والغرفة اللي المفروض أقعد فيها كان فيها زميلة وكنا بنصور في فيلا (ما فيش كرفنات) وكانت لسه ما خلصتش مشاهدها، واحنا في الشتاء فسقعة موووووت، فقعدت على كرسي في الكوريدور استنى الإنتاج يشوف هروح فين.
وأضافت: بالصدفة خرج أحمد من غرفته وشافني وراح صور مشهد ورجع وانا لسه قاعده فسالني: مالك؟ فقلتله: ماليش مكان بستنى فلانه تخلص.
وتابعت: دخل أحمد العوضي غرفته وقال للمساعد بتاعه: فضليها الغرفة، وقالي: تفضلي، ما يصحش تقعدي كدا لحد ما مكانك يفضى. وهو ما يعرفنيش ولا أنا أعرفة وما شوفتوش بعدها حتى علشان أشكره، لأن ما كانش لينا مشاهد مع بعض لآخر المسلسل، بس كان موقف محترم جدًّا منه.
وأكدت دانا على أهمية الموقف، مفسرة ذلك بالقول: اللي هيقولي عادي هقولك لا مش عادي، خاصة لما تكون مبتدئ، وكان ممكن جدًّا أقعد ساعتين وأكثر ولا حد كان هيسأل لأن الغرف محدودة، وغيره راح وشافني وعادي جدًا ولا الهوا. علشان كده عمري ما نسيت الموقف دا، واللي يشتغل في الفن هيقولك مواقف البدايات هي اللي بتفضل في الذاكرة أكتر من بعد الشهرة والنجاح، حتى لو كانت حاجات صغيرة.
دانا حمدان مع محمد إمام في "صقر وكناريا"
في سياق آخر، تشارك الفنانة دانا حمدان كضيف شرف في فيلم "صقر وكناريا"، من بطولة النجم محمد إمام، حيث تجسد خلال أحداث العمل دور صديقة النجمة يسرا اللوزي. والفيلم من تأليف أيمن وتار، وإخراج حسين المنباوي، وإنتاج وائل عبد الله، ويضم نخبة من النجوم منهم شيكو، إنتصار، يارا السكري، وغيرهم.
