طرح النجم المصري محمد منير أغنيته الجديدة "ملامحنا" عبر منصة "يوتيوب" والمنصات الرقمية كافة، وسط تفاعل جمهوره.
الكينغ يطرح أغنية "ملامحنا"
روّج "الكينغ" لأغنيته الجديدة عبر حسابه على منصة "إكس"، وأرفقها بتعليق جاء فيه: محمد منير - ملامحنا 2025، الآن على جميع المنصات.
وأغنية "ملامحنا" من كلمات هالة الزيات، وألحان أحمد زعيم، وتوزيع موسيقي لعمرو عبد الفتاح، وهي من إنتاج روتانا.
وطرحت روتانا أغنية محمد منير "ملامحنا" على شكل "Lyrics Video" عبر قناتها على منصة "يوتيوب"، وروجت له عبر حساباتها على منصات التواصل الاجتماعي بالقول: جديد الكينج، صار عندكم.
أغنية "ملامحنا" وتفاعل جمهور محمد منير
لاقت الأغنية الجديدة للكينغ تفاعلاً كبيراً من قبل جمهوره الذين أعربوا عن حماستهم وإعجابهم بها، "والله العظيم ما في صوت بيعمل فيا زي صوتك يا منير.. من غير فزلكة ومن غير حزق وقفش، صوتك بيلمس القلب والروح ، بنحبك يا كينج والله ربنا يبارك في عمرك وصحتك"، "الكينج يا ناس"، و"مبروك علينا يا كينج يا صوت ملامح مصر".
كلمات أغنية "ملامحنا"
تناولت أغنية "ملامحنا" مشاعر إنسانية عميقة، وتحدثت عن الحالة الإنسانية بكلمات معبرة جاءت كالتالي:
كل أما نصور ملامحنا ملامحنا
مش دايما بنكون هو إحنا
أوقات بنبان نشبه روحنا نشبه روحنا
وأوقات نتغير
أوقات في الصورة نبان أهدى نبان أهدى
وأوقات في اللمة تبان وحده
وأوقات ملامحنا تبان باهتة تبان باهتة
وساعات بتنور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
كل أما نطبطب على روحنا على روحنا
بنحن لذكرى بتدبحنا
وكل أما نلملم في جروحنا في جروحنا
قلوبنا بتتعور
فيه ناس من نظرة بتلمحنا بتلمحنا
وأول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
