بعد ليلة عزاء حزينة ودع فيها الوسط الفني المصري والعربي "أمير الغناء العربي"، كشفت الفنانة المصرية القديرة نبيلة عبيد عن تفاصيل آخر زيارة أجرتها للراحل هاني شاكر، أثناء إقامته بأحد مستشفيات العاصمة باريس.
ماذا قالت نبيلة عبيد عن آخر زيارة لـ هاني شاكر؟
بصوت يملؤه الأسى والانكسار، عبرت النجمة نبيلة عبيد عن حزنها العميق لفقدان المطرب الراحل هاني شاكر، وحكت عن آخر مكالمة هاتفية جمعتها مع زوجته وزيارته بالمركز الطبي الذي مكث فيه قبل شهر.
وقالت عبيد، في مداخلة هاتفية مع برنامج "كل الكلام" على قناة "الشمس"، إنها أجرت اتصالا مع السيدة نهلة توفيق زوجة الراحل أثناء وجودها في العاصمة الفرنسية، وطلبت منها زيارة هاني شاكر للاطمئنان عليه.
وحكت النجمة القديرة: كنت في سفرية في باريس وعرفت إن هاني جاي هنا، وأخرت نفسي كام يوم لحد ما يوصل عشان أشوفه، وكنت بكلم مدام نهلة زوجته كل ليلة، فبلاقي صوتها تعبان ومش حلو، فقولتلها في مرة أنا عايزة أجي أشوفه.
وتابعت: الكلمة اللي وجعاني لغاية دلوقتي ردها، لما قالتلي "هتشوفي إيه؟"، فقولتلها أنا عايزة أجي أبقى جنبك وأقف معاك، انت في بلد غريبة وعايزة أبقى جنبك، فردت "زي ما تحبي".
وأكملت النجمة الكبيرة وهي تبكي: فعلا روحت عند المستشفى مع صديقة ليا، ووقفت تحت أحاول أنزل من العربية عشان أطلع ماقدرتش، كلمتها "هتشوفي إيه" مأثرة فيا ومش مخلياني قادرة لا أفتح باب العربية ولا أنزل ولا أطلع ولا أي حاجة. بكلمك وجسمي بيقشعر دلوقتي من الموقف اللي كنت فيه، لأني حزينة لغاية دلوقتي.
وأضافت: رجعت الأوتيل وكلمت مدام نهلة تاني، قالتلي "زي ما هو"، قولتلها إني روحت بس ماقدرتش أطلع، فسكتت، هي كانت مش قادرة تتكلم ولا تعلق، وأنا كنت يوميا بكلمها بالليل بعد ما ترجع من المستشفى عنده.
وشرحت: الحاجات اللي من النوع ده في مستشفى وكده مابقدرش، لأني مريت بيها مع أمي، وكنت بتعذب عذاب رهيب، لما كنت بروح عند أمي وألقيها بردو على الجهاز، يعني أنا مريت بالتجربة وهي قاسية جدا عشان كده كنت عايزة أكون جنبها.
تفاصيل آخر لقاء جمع نبيلة عبيد وهاني شاكر
نعت نبيلة عبيد "أمير الغناء العربي"، خلال مكالمتها، قائلة: هو كان عزيز علي كشخص، كنا جيران قبل ما أنقل لمكان تاني وهو ينقل، لدرجة إننا كنا بنحط عربيتنا في جراج واحد، وكان لما يشوفني ينادي ويقول "يا بلبل".
وأكملت: آخر مرة شوفته كان من كام شهر، كنا معزومين عند أصدقاء مشتركين، وحضر هو وزوجته نهلة، وكان معانا نيلي، وكان بصحة كويسة، وضحكته التقليدية كانت على وشه.
واختتمت تصريحاتها: في الآخر هو توفى وفي مكان أحسن من اللي إحنا فيه. هو كان تقي جدا، ومهذب، ومجامل ولطيف، وعمرنا ما سمعنا عنه شيء مشكلة أو كلمة كده ولا كده، يعني كان إنسان بالفعل، وربنا يقوي زوجته وتقدر تكمل المشوار من بعده.
تفاصيل وفاة وعزاء الراحل هاني شاكر
توفي النجم المصري الكبير هاني شاكر الأحد الأحد الماضي 3 مايو/أيار 2026، إثر صراع مع المرض امتد أشهر، تحديدا مع مطلع أول يوم رمضان 2026 وحتى رحيله داخل أحد مراكز العاصمة الفرنسية بعد نحو 10 أيام من حدوث فشل تنفسي ودخوله في غيبوبة.
ودفن الراحل بعد ظهر الأربعاء في مراسم جنائزية مهيبة، حضرها صفوة من نجوم الفن والإعلام في مصر، ثم تبعها عزاء تاريخي مساء الخميس حضره عدد ضخم من المشاهير في الوطن العربي.
