خرج السيناريست والفنان عمرو محمود ياسين عن صمته، في خضم الجدل المثار حول إلغاء تتر مسلسل "وننسى اللي كان" المقرر عرضه في موسم دراما رمضان 2026، مدافعًا عن النجمة ياسمين عبد العزيز، بعد موجة انتقادات حادة طالتها عقب اعتذار المطرب رامي صبري عن تقديم تتر العمل، مؤكدًا أن تحميلها مسؤولية القرارات الفنية "غير حقيقي" ويفتقر للدقة.
عمرو محمود ياسين يدافع عن ياسمين عبد العزيز
عبر حسابه الرسمي على "فيسبوك"، عبّر عمرو محمود ياسين عن استيائه مما تتعرض له ياسمين عبد العزيز، وكتب نصًّا: حقيقي أنا مش مصدق اللي بيحصل مع الفنانة ياسمين عبد العزيز لو تتر اتغير من حاجه لحاجه يبقى ياسمين.. لو ممثله أو ممثل بيقول جمله معينه هنا أو هنا يبقى ياسمين... (طيب أنا رحت فين!) لو حد لابس لبس معين يبقى ياسمين!!. لو شخصيه متسمية اسم بعينه يبقى ياسمين.. وأقسم بالله أن هذا غير حقيقي! لأن المسلسل له مؤلف ومخرج ومنتج وستايلست وأقسام تخصصية.
وأضاف مؤكدًا على طبيعة العمل الجماعي داخل أي مشروع درامي: احنا مش هواه.. احنا بنشتغل وكل واحد فينا بيحترم دور الآخر وكل واحد مسؤول عن اختصاصاته ودوره في العمل.. أكيد بنتشاور وبنفكر مع بعض كلنا للوصول لأفضل قرارات اللي فيها مصلحة المشروع.. بس الموضوع كله تصفية حسابات للأسف الشديد.. وهي بقت مش عارفه تعمل ايه لما تطلع ترد الناس تقول لها بتردي ليه؟ ولما تسكت الناس بتصدق الاتهامات.
واختتم دفاعه برسالة دعم واضحة لياسمين عبد العزيز: حقيقي أنا بشفق عليها ولكن اللي بيخليني أهدى أن ياسمين قوية جدا.. جدا جدا وبتقابل ده كله بسخرية وضحك وبترد تقولي أنا مش شايفاهم بس أنا متعود أواجه والناس اللي بتتابعني عارفين عني ده ولازم الجمهور يعرف الحقائق لأن أنا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدا جدا.. وربنا يصلح حال الجميع.. وخالص التقدير والاحترام للجميع.
رامي صبري يعتذر عن تقديم تتر "وننسى اللي كان"
كان الفنان رامي صبري قد أعلن اعتذاره عن تقديم تتر مسلسل "وننسى اللي كان"، عبر خاصية "ستوري" في "إنستغرام"، وكتب: تم إلغاء تتر مسلسل وننسى اللي كان.
وفي سياق متصل، ألغى رامي صبري متابعة الفنانة ياسمين عبد العزيز عبر حسابها الرسمي على "إنستغرام"، ما زاد من حدة التكهنات حول أسباب الاعتذار.
أبطال وصناع "وننسى اللي كان"
مسلسل "وننسى اللي كان" من تأليف عمرو محمود ياسين، وإخراج محمد الخيبري، ويشارك في بطولته إلى جانب ياسمين عبد العزيز وكريم فهمي كل من: شيرين رضا، خالد سرحان، منة فضالي، محمود ياسين جونيور، محمد لطفي، محمود حافظ، وإيهاب فهمي.
وسبق أن علّقت ياسمين عبد العزيز على البرومو الدعائي الأول للمسلسل عبر حسابها الرسمي على "فيسبوك"، حيث كتبت: اللي فات حمادة واللي جاي حمادة تاني خالص.. على MBC مصر بإذن الله.
